27 млн жымқырған қазақстандық Түркиядан экстрадицияланды

27 миллион теңге ұрлады деген күдікті қазақстандық әйел Түркиядан экстрадицияланды, деп хабарлайды Orda.kz.

Бас прокуратураның баспасөз қызметінің мәліметінше, 27 миллион жымқырған есепші Түркияға қашып кетті.

«Бүгін ҚР Бас прокуратурасы мен  Интерпол қызметкерлері Қазақстанның Түркиядағы Елшілігінің көмегімен Қазақстан азаматын қаражатты заңсыз иемденгені үшін қылмыстық жауапкершілікке тартуға Түркия Республикасынан экстрадициялады»,  деп хабарлады Бас прокуратура.

Күдікті 2022–2023 жылдары Алматы қаласында есепші болып жұмыс істеп жүріп, төлем тапсырмаларына жалған мәліметтер енгізу арқылы кәсіпорынның 27 миллион теңгеге жуық ақшасын жымқырған.

Қылмыстан кейін ол із-түссіз жоғалып, халықаралық іздеуде болды. 2024 жылдың тамыз айында ол Түркияда ұсталып, кейін қазақстандық құқық қорғау қызметкерлеріне тапсырылды. Қазір ол Астанадағы тергеу абақтысында. Ол 7 жылдан 12 жылға дейін бас бостандығынан айырылып,  мүлкі тәркіленуі мүмкін.