260 мыңдай қайтыс болған адамдардың ақшасы мұрагерсіз тұр

БЖЗҚ-да 260 мыңдай қайтыс болған салымшының 27,8 млрд теңге жинағы сақтаулы тұр.

 БЖЗҚ 01.01.2024 жылғы мәліметі бойынша қайтыс болған салымшылардың мұрагерлік рәсімделмеген шоттарында  27 млрд 776 млн теңге жатыр. Ер салымшылар – 186,8 мың адам, олардың жеке зейнетақы шоттардағы жалпы сома – 21 млрд 567 млн теңге. Әйел салымшылар – 72,8 мың адам, олардың БЖЗҚ-дағы жалпы ақшасы – 6 млрд 209 млн теңге. 

Әлеуметтік кодекс ережелерінде БЖЗҚ-дан, оның ішінде алушының қайтыс болуына байланысты зейнетақы жинақтарын төлеуді жерлеуге алуға немесе мұрагерлер пайдалануына қажетті  негіздердің толық тізбесі айқындалған. Сәйкесінше, зейнетақы жинақтарын алушы немесе оның мұрагерлері осы қаражатты талап еткенге дейін ол БЖЗҚ есебінде болады»,— деді қор қызметкерлері.