Республика бойынша жазғы мектептер жұмыс істейді

Жазғы мектепке балалар ата-аналарының қалауы бойынша қабылданады. Мұғалімдер жұмысына ақы төлеуге қосымша қаражат бөлінбейді.

Бұл туралы Orda.kz хабарлады.

– Қазақстанда оқу жылы 25 мамырда аяқталады. 26 мамыр мен 19 маусым аралығында оқушылардың біліміндегі олқылықтарды жою үшін барлық білім беру ұйымдарында жазғы мектептер ұйымдастырылады, - деп мәлімдеді Білім және ғылым министрі Асхат Аймағамбетов.

Оқушылар жазғы мектепке ата-аналарының немесе заңды өкілдерінің өтініштері бойынша қабылданады. Жазғы мектеп ақысыз. Сабақтар үлгерімі төмен оқушыларға назар аудара отырып, ұйымдастырылатын болады.

Жазғы мектепте сабақтар санитарлық талаптарға сай өткізіледі. Оқушыларға үйге тапсырма берілмейді. Мектепте тегін оқуға болады.

Жазғы мектепті ұйымдастыру мұғалімдерге сабақ беру үшін қосымша қаржыландыруды қажет етпейді, ақы төлеу ағымдағы оқу жылына бекітілген оқу жүктемесімен қамтамасыз етіледі. Мұғалімдер 19 маусымнан кейін демалысқа шыға алады.

– Бұл ерікті. Іс-шара қосымша қаржыландыруды қажет етпейді. Қаражаттың барлығы қазірдің өзінде қамтамасыз етілген. 56 күндік демалыс беріледі, ешқандай проблемалар болмайды. Барлық жұмыс заңнамалық негізде ұйымдастырылады, - деді Асхат Аймағамбетов.

Министрдің айтуынша, пандемияның салдарын елемей жаңа оқу жылына стандарт бойынша көшуге болмайды. Нашар оқитын балаларға көп көңіл бөлу керек.