25 наурызда Украинада қалған қазақстандықтар Польшадан ұшып кете алады

25 наурызда Польшаның Катовице қаласынан Қазақстан азаматтарының бір тобын, олардың кәмелетке толмаған балалары мен жұбайларын эвакуациялауға дайын гуманитарлық ұшақпен алып  шығу жоспарлануда.

Ұшып кету  туралы ақпарат Қазақстанның Украинадағы елшілігінің Instagram желісінде жарияланды.

Бұл тұрақты емес рейспен ұшу үшін 24 наурызға дейін Львов қаламына  жету керек немесе 25 наурызға дейін Катовицеге өз бетінше жету керек.

Катовицеде  (тек осы рейспен ұшатындар үшін) уақытша  тұруға мүмкіндік жасалған.

Елшілік ұшуға үлгеретін және ұшқысы келетіндердің барлығынан құжаттардың көшірмелерін (паспорт, балалардың туу туралы куәліктері, неке туралы куәліктер) +380673470408 (WhatsApp) нөміріне жіберуді сұрайды.

Жүктің рұқсаты - стандартты рейстегідей, 23 кг багаж + қол жүгі.

Бұл ұшақпен ұшатындар үшін карантиндік талаптар жеңілдетіледі: жаңа ПТР сынағы қажет емес. Жануарларға қойылатын талаптар өзгеріссіз қалады.