25 миллион теңгеден астам қаражат ұрлаған күдікті ұсталды

Аудандық филиал директоры кассадан қомақты соманы алып, белгісіз бағытта қашып кеткен.

20 сәуірде Көксу аудандық полициясына Акционерлік қоғам өкілінен арыз түсті. Акционерлік қоғам өкілінің айтуынша, күдікті өзінің қызметтік жағдайын асыра пайдаланып, қолма-қол ақша алып, жоғалып кеткен. Тексеру барысында 25 миллион теңгеден астам ақшаның жетіспейтіні анықталды.

«Іздестіру шаралары барысында күдікті ұсталып, өз кінәсін мойындады. Жауап алу кезінде ол ақшаны жеке қажеттіліктеріне жұмсағанын түсіндірген»,–дейді Көксу АПБ бастығының орынбасары Әділет Мақашев.