25 қаңтарға ауа райы болжамы: қарлы боран, көктайғақ

Синоптиктер Қазақстанда 25 қаңтарға арналған ауа райы болжамын ұсынды.

«Республиканың батысында, солтүстік және оңтүстік-шығысында қар жауады, батысында жел күшейіп, көктайғақ күтіледі. Елдің қалған бөлігінде жауын-шашынсыз болады деп күтілуде. Еліміздің кей жерлеріне тұман түседі» дейді Қазгидромет РМК

Түркістан облысының оңтүстігінде, батысында және таулы, тау бөктеріндегі аймақтарында тұман түседі, таулы аймақтарда жел 15-20 м/с күшейеді.

Атырау облысының солтүстігі мен орталығында түнде жел 15-20 м/с күшейеді.

Күндіз Маңғыстау облысының батысында көктайғақ күтіледі.

Ақмоланың солтүстігінде, Батыс Қазақстанның солтүстігінде, Қостанайдың, Солтүстік Қазақстанның оңтүстігінде, Қызылорданың орталығында, Шығыс Қазақстанның шығысында, Павлодардың оңтүстігінде, Жамбыл облысының тау бөктеріндегі аймақтарында тұман күтіледі.

Нұр-Сұлтанда көшпелі бұлт шығады, жауын-шашынсыз. Оңтүстік-шығыстан соғатын жел батысқа ауысады 1-6 м/с. Шығыстан соғатын жел 1-6 м/с. Ауа температурасы түнде -23-25°С, күндіз -11-13°С.

Алматыда көшпелі бұлт шығады, жауын-шашынсыз. Жел 0-5 м/с. Ауа температурасы түнде -5-7°C, күндіз 0,-2°C.

Шымкентте көшпелі бұлт шығады, жауын-шашынсыз. Түнде және таңертең тұман. Шығыстан 5-10 м/с жел соғады. Ауа температурасы түнде -3-5°С, күндіз +4+6°С.