25-28 наурызға ауа райы болжамы: бұршақ жауып, бұрқасын болады

Қазақстанда алдағы үш күнге – 25-28 наурыз аралығында қарлы бұршақ жауып, бұрқасын болуы мүмкін. Бұл туралы Orda.kz. хабарлады.

Синоптиктердің болжамынша, алдағы үш күнде Қазақстанның басым бөлігінде тұрақсыз ауа райы сақталады. Біздің еліміздің аумағында сырттан: Жерорта теңізі мен солтүстік-батыс аймақтарынан келген 2 циклон бірігеді.

– Олар республиканың басым бөлігіндегі ауа-райына әсер етеді. Циклонның келуімен барлық облыстарда қатты жауын-шашын жауып, көктайғақ пен бұрқасын болады, - деп хабарлады Қазгидромет.

Сонымен қатар, елдің оңтүстігінде найзағай ойнап, бұршақ жаууы мүмкін.