24 қыркүйекке ауа-райы болжамы: шаңды дауыл соғып, тұман түседі

Синоптиктер 24 қыркүйекке арналған ауа-райы болжамын ұсынды.

Бұл туралы Orda.kz хабарлады.

– Қазақстанның батысында, орталығында және шығысында фронтальды бөліктердің әсерінен ауа-райының тұрақсыз сипаты сақталады. Соған байланысты жаңбыр күтіледі. Орталықта және шығыста - аздаған жауын шашын жауады. Республиканың қалған бөлігінде жауын-шашынсыз ауа-райы күтіледі. Батыста, оңтүстікте, оңтүстік-батыста, оңтүстік-шығыста, орталықта және шығыста жел күшейеді. Оңтүстікте және оңтүстік-батыста-шаңды дауылмен, республиканың солтүстігінде, солтүстік-батысында-тұман болады, - делінген Қазгидромет хабарламасында.

Алматы облысында Жалаңашкөл ауданында желдің 18-23 м/с күшеюі күтіледі.

Жамбыл облысының солтүстік-шығысы мен оңтүстік-батысында, таулы аймақтарда және Түркістан облысының батысында желдің 15-20 м/с күшеюі күтіледі.

Қызылорда облысында орталықта және батыста, Маңғыстау облысында, орталықта, солтүстік-шығыста жел 15-20 м/с күшейеді.

Атырау облысында түнде оңтүстікте және орталықта, күндіз басым бөлігінде 15-22 м/с желдің күшеюі күтіледі.

Батыс Қазақстан облысының шығысында, күндіз Ақтөбе облысының оңтүстік-батысында, солтүстік-батысында, Шығыс Қазақстан облысының солтүстігінде желдің күшеюі 15-20 м/с күтіледі.

Қостанайдың солтүстік-шығысында, шығысында, Солтүстік Қазақстанның оңтүстік-батысында, Павлодар облысының оңтүстігінде тұман күтіледі.

Қарағанды ​​облысының оңтүстігі мен батысында желдің 15-20 м/с күшеюі күтіледі.

Түнде Алматы, Жамбыл облыстарының таулы және тау бөктерлі аймақтарында топырақ бетінде 1-3 градус аяз күтіледі.

– Түркістан, Қызылорда, Алматының көп бөлігінде, Ақтөбе, Қарағанды, Шығыс Қазақстан облыстарының оңтүстігінде төтенше өрт қаупі сақталады, - дейді мамандар.