24 ақпаннан бері Украинада 816 бейбіт тұрғын қаза тапты - статистика

Украинадағы қарулы қақтығыс басталған 2022 жылдың 24 ақпанынан бері 816 бейбіт тұрғын қаза тауып, 1333 адам жараланды, деп хабарлайды БҰҰ Адам құқықтары жөніндегі Жоғарғы комиссары кеңсесі.

Басшылық 18 наурыз 00:00 жағдай бойынша мәліметтерді жариялады.

Қайтыс болған 816 адамның 152-сі ер, 116-сы әйел, 7-і қыз және 16-сы ұл бала, сондай-ақ,  жынысы әлі анықталмаған 36 бала мен 489 ересек адам бар.

1333 жараланғандар арасында 133 ер адам, 104 әйел, 17 қыз және 7 ұл бала, сондай-ақ, жынысы әлі анықталмаған  50 бала мен 1022 ересек адам бар.

Украина билігінің бақылауындағы Донецк және Луганск облыстары аумақтарында 172 адам қаза тауып, 503 адам жарақат алған.

Өзін-өзі жариялаған республикалардың бақылауындағы аумақта 50 адам қаза тауып, 178 адам жараланған.

Украинаның басқа аймақтарында (Киев, Черкассы, Чернигов, Харьков, Херсон, Киев, Николаев, Одесса, Сумы, Запорожье, Днепропетровск және Житомир облыстары) 594 адам қаза тауып, 652 адам жарақат алған.

«Тіркелген бейбіт тұрғындар құрбандарының көпшілігі ауыр артиллерия мен бірнеше зымыран жүйелерінен атқылау, зымырандық және әуе соққыларын қоса алғанда, жойылу аймағы үлкен жарылғыш қару қолдану салдарынан болды»  делінген  хабарламада.

Дегенмен басқарма нақты сандар әлдеқайда жоғары деп есептейді.