23 қыркүйекке ауа-райы болжамы: найзағай ойнап, тұман түседі

Синоптиктер 23 қыркүйекке арналған ауа-райы болжамын ұсынды.

Бұл туралы Orda.kz хабарлады.

– Батыста, оңтүстік-батыста және солтүстікте, сондай-ақ Қазақстанның оңтүстік-шығысындағы таулы аймақтарда фронтальды учаскелердің әсерінен ауа-райының тұрақсыз сипаты сақталады. Соған байланысты жаңбыр жауып, оңтүстік-батыста және елдің оңтүстік-шығысындағы таулы аймақтарда – найзағай ойнайды. Ал солтүстікте жауын-шашын жауады. Республиканың қалған бөлігінде жауын-шашынсыз ауа-райы күтіледі. Батыста, оңтүстік-батыста және оңтүстік-шығыстың таулы аймақтарында желдің күшеюі күтіледі. Батыста және оңтүстік-батыста - шаңды дауылмен, республиканың солтүстігінде, солтүстік-батысында, оңтүстік-батысында – тұман күтіледі, - делінген Қазгидромет хабарламасында.

Маңғыстау облысының батысында және орталығында найзағай күтіледі, түнде және таңертең жағалауда - тұман, күндіз облыстың солтүстік -шығысында 15-20 м/с жел күшейеді. Шаңды дауыл болады.

Жамбыл облысының таулы аймақтарында түнде найзағай күтіледі, жел 15-20 м/с күшейеді.

Күндіз солтүстік-батыста және Қызылорда облысының орталығында желдің күшеюі 15-20 м/с күтіледі.

Атырау облысының оңтүстік-шығысында шаңды дауыл күтіледі, түнде оңтүстікте және орталықта, күндіз басым бөлігінде - желдің 15-20 м/с күшейеді.

Оңтүстікте, Батыс Қазақстанның оңтүстік-батысында, күндіз Ақтөбе облыстарының оңтүстігінде және батысында желдің күшеюі 15-20 м/с күтіледі.

Павлодар облысының солтүстігінде және батысында, түнде және таңертең солтүстікте, Қостанайдың солтүстік-батысында, Солтүстік Қазақстанда, Ақмоланың солтүстік-батысында, оңтүстік-шығысында, солтүстік-шығысында тұман.

Түнде солтүстікте, Алматы, Жамбыл облыстарының таулы және тау бөктеріндегі аудандарында топырақ бетінде 1-3 градус аяз.

 – Түркістан, Қызылорда, Алматының көп бөлігінде, Ақтөбе, Қарағанды, Шығыс Қазақстан облыстарының оңтүстігінде төтенше өрт қаупі сақталады, - дейді мамандар.