22 наурыз күні еліміздің қай жолдары жабық

Ауа райының қолайсыздығына байланысты үш облыста көлік қозғалысына шектеулер енгізілді, деп хабарлайды Orda.kz «ҚазАвтоЖолға» сілтеме жасап.

Ақтөбе облысы

• Қандыағаш – Ембі – Шалқар – Ырғыз тас жолы бойынша 3 – 92 шақырым, Қандыағаш қаласынан Ембі қаласына дейінгі жол;.

Қостанай облысы

• 9-шақырымдық учаскедегі Мариновка ауылына кіретін жол;

Солтүстік Қазақстан облысы

• 4 – 7 шақырым учаске, Қожаберген жырау айналма жолынан Петропавл айналма жолындағы Есіл өзені арқылы өтетін көпірге дейін.

Жолдарды ашумен 105 арнайы техника мен 158 маман айналысуда.

22 наурызда Қазгидромет Астана мен Қазақстанның 14 облысында дауылды ескерту жариялады.

 Синоптиктердің болжауынша, республика бойынша шығыста ауа температурасы төмендейді, солтүстікте көктайғақ болады, тұман түсіп, жел соғады.

Кей өңірлерде жаңбыр жауып, қар жауады.