Аурухана басшылығы 22 дәрігердің үстемақысын бөліп алған

Денсаулық сақтау жүйесіндегі қазақстандық шенеуніктер коронавирус пандемиясымен күресу үшін дәрігерлерге бөлінген ақшаны жымқырып жатқан жерінен ұсталды. Бұл фактіні Сыбайлас жемқорлыққа қарсы қызметтің Жамбыл облысы бойынша қызметкерлері анықтады.

Бұл туралы Orda.kz хабарлады.

Брифингте Қазақстанның сыбайлас жемқорлыққа қарсы іс-қимыл агенттігінің ерекше маңызды істер жөніндегі тергеушісі Данияр Биғайдаров ақша жымқыру Жуалы ауданында болғанын айтты.

Оның сөзіне қарағанда, қылмысты жергілікті Орталық қалалық клиникалық аурухананың бас дәрігерінің орынбасары жасаған. Ақша облыстың 22 медициналық ауданында қолды болған.

– Дәрігерлер бұл ақшаны коронавируспен күрестегі жұмысы үшін алуы керек еді. Қызметкерлерге жетпей қолды болған жәрдемақылардың жалпы сомасы 2 млн 711 мың теңге болады, - деді Биғайдаров.

Бас дәрігердің орынбасары мұның бәрін жалғыз жасаған жоқ - оған кассир-есепші мен аурухананың әкімшілік бөлімінің бастығы көмектесті.

– Бас дәрігердің орынбасары алаяқтық үшін, ал қалған екі сотталушы алаяқтыққа қатысқаны үшін кінәлі деп танылды, - деп қосты тергеуші.

Биғайдаровтың ақпараты бойынша бас дәрігердің орынбасары мен әкімшілік бөлімінің бастығы 4 жылға, ал кассир 3,5 жылға бас бостандығынан айрылды.