22 ақпанда Қазақстанда күн бұлтты болып, қар жауады

22 ақпанда Қазақстанда күн бұлтты. Орталық, батыс және шығыс облыстарында қар жауады деп болжануда. Оңтүстік облыс жолдарында көктайғақ болады, деп хабарлайды Gismeteo.

Батыстан, оңтүстік-батыстан секундына 3-15 метрге дейін жел соғады, шығыс облыстарда жел екпіні секундына 20-23 метрге дейін жетеді.

Солтүстік және орталық облыстарда түнде - 32-ден -23 градусқа дейін, күндіз ауа температурасы -22-ден -10 градусқа дейін болады.

Еліміздің батысында ауа температурасы түнде -29-дан -14 градусқа дейін, күндіз термометрлер -13-тен +7 градусқа дейін өзгереді.

Шығыс аймақтарда түнде -10 -8 градусқа дейін, күндіз ауа температурасы -5 -2 градусқа дейін төмендейді.

Республиканың оңтүстігінде түнде -7 -1 градус, күндіз ауа +1 +7 градусқа дейін жылынады.