22 ақпанға ауа райы болжамы: тұман, көктайғақ күтіледі

Синоптиктер 22 ақпанға арналған ауа райы болжамын ұсынды.

«Республиканың батысында, солтүстік-батысында жаңбыр мен қар түріндегі жауын-шашын болады, ал солтүстікте – бұрқасын, көктайғақ күтіледі. Елдің қалған бөлігінде жауын-шашынсыз ауа райы сақталады. Республиканың кей жерлерінде тұман түсіп, жел күшейеді» делінген Қазгидромет РМК хабарламасында.

Ақмола облысының солтүстік-батысында жел 15-20 м/с күшейеді, бұрқасын соғады, күндіз көктайғақ болады.

Алматы облысының солтүстігінде түнде және таңертең тұман күтіледі, Жалаңашкөл ауданында жел 18-23 м/с күшейеді.

Жамбыл облысының солтүстік-шығысында желдің күші 15-20, екпіні 23 м/с, түнде және таңертең солтүстікте және облыстың таулы аймақтарында тұман күтіледі.

Қостанай облысының батысында жел 15-20 м/с күшейеді, боран соғады, облыстың оңтүстігінде тұман, көктайғақ күтіледі.

Солтүстік Қазақстан облысының солтүстігінде, оңтүстігінде, шығысында жел 15-20 м/с күшейеді, боран соғады, облыстың оңтүстігінде тұман, күндіз көктайғақ күтіледі.

Күндіз Павлодар облысының солтүстік-батысында жел 15-20 м/с күшейеді, бұрқасын күтіледі.

Шығыс Қазақстан облысының Жарма ауданында жел 15-20 м/с күшейеді.

Батыс Қазақстан, Атырау облыстарында тұман, түнде шығыста, облыстардың орталықтарында көктайғақ күтіледі.

Маңғыстау облысының солтүстігінде тұман күтіледі.

Ақтөбе облысының оңтүстігінде көктайғақ күтіледі.