«217 адам мерт болды»: Су тасқынынан 90-нан аса адам жоғалып кетті

Испанияда су тасқынынан кейін 217 адам ажал құшты. 90-нан аса адам ұшты-күйлі жоғалып кеткен, деп хабарлайды Orda.kz. 

Испанияда толассыз жауған жауын соңы алапат тасқынға ұласты. Салдарынан жергілікті тұрғындар мерт болды, көбі жоғалып кетті. Жоғалған 90-нан аса адамның туыстары іздеу салған. Сондықтан билік өкілдері хабар-ошарсыз кеткендер қатары әлдеқайда көп болуы мүмкін екенін айтады. 

Болжам бойынша олардың дені үйінді астында қалып қойған. Біразын толқын алып кетуі ықтимал. Сондықтан аймаққа тартылған әскерилер барлық жерді жіті тексеріп жатыр.

Еске салайық, бұған дейін су тасқынынан зардап шеккен Валенсия аймағының тұрғындары Испания королін балшық атып қарсы алғанын хабарлаған едік.