21 млн теңге пара алған антикор қызметкері 7 жылға сотталды

Атырауда 21 млн теңге пара алған антикор қызметкері 7 жылға сотталды.
Атырау облысының қылмыстық істер жөніндегі мамандандырылған ауданаралық сотында Сыбайлас жемқорлыққа қарсы іс-қимыл агенттігі Атырау облысы бойынша департаментінің қызметкеріне қатысты қылмыстық іс қаралды.
Сотталушы М.-ға Қылмыстық кодекстің 24-бабының 3-бөлігі, 28-бабының 4-бөлігі, 367-бабының 4-бөлігі, 190-бабының 4-бөлігі 2-тармағы бойынша айып тағылған.
«Сотта мына жайттар анықталды: 2021 жылдың сәуір айында сотталушы М.-ға «П.П» ЖШС басқарма төрағасы Б.-ға қатысты департамент қызметкерлерінің жедел-іздестіру іс-шаралары жүргізілгені белгілі болған. М. 26 маусымда жәбірленуші Б.-мен кездесіп, оған қатысты тексеруді тоқтатуға ықпал ете алатынын айтқан. Департамент пен агенттіктің басшылығы арқылы оның пайдасына оң шешім шығаратынын айтып, ол үшін 30 млн теңге талап еткен. М. сол жылғы 30 маусымда сотталушы мен жәбірленушінің қайта кездесуінде 21 млн теңгеге келіскен. Бұл ақшаны сотталушы М. танысы арқылы Б.-ның пәтерінен алып кетуді сұраған. Сол күні М.-ның танысы жәбірленушінің пәтерінен ақшаны алған» деп хабарлады қылмыстық істер жөніндегі мамандандырылған ауданаралық соттың баспасөз қызметі.
Сыбайлас жемқорлыққа қарсы іс-қимыл агенттігі қызметкерлері ақша беру кезінде куәгерді ұстаған. Көрсетілген мән-жайлар және сотталушының кінәсі жәбірленушінің, куәгерлердің айғақтарымен, оқиға болған жерді тексеру хаттамаларымен, Whatsapp мессенджеріндегі хат алмасумен, аудио, бейне жазбалармен, сараптама қорытындыларымен расталған. Прокурор М.-ға 10 жыл бас бостандығынан айыру жазасын тағайындауды сұраған.
«Сот сотталушы М.-ны Қылмыстық кодекстің 24-бабының 3-бөлігі, 190-бабының 4-бөлігі, 2-тармағы, 28-бабының 4-бөлігімен, 367-бабының 3-бөлігінің 2-тармағымен кінәлі деп таныды. Сотталушы М.-ның қабылдаған антты бұзу арқылы қылмыс жасағаны жазаны ауырлататын жағдай ретінде қарастырылды. Сотталушының жасы мен отбасылық жағдайы ескерілді» деп мәлім етті соттың баспасөз қызметі.
Сот үкімімен сотталушы М.-ға мемлекеттік қызметте қызмет атқару құқығынан өмір бойына айыра отырып, 7 жылға бас бостандығынан айыру жазасы тағайындалды. Сондай-ақ, сотталушы 5 санатты біліктіліктен де айырылды. Сот үкімі заңды күшіне енген жоқ.
Жаңалықтар
- Жезқазғандағы Медет Исламның ісі бойынша айыпталушыларға сот үкімі шықты
- Ердоғанның қарсыласы Экрем Имамоглу сотталды
- Сот залында айыпталушының анасы өзін-өзі өртемек болды: Адам ағзасын саудалаған қылмыстық топқа сот үкім шығарды
- Алматы әуежайында қызметкер қызды кепілдікке алған Машрапбек Баратов 11 жылға сотталды
- Алматыда газ құбыры жарылысынан бір көлік аударылып түсті
- Ақтөбеде парашютпен секірген курсант мерт болды
- Белгілі журналист Әлия Әшім оқырмандардан кешірім сұрады
- Қостанай облысында ер адам әйелі мен енесін өлтіріп кетті
- Амантай қажы бір әйелді баспалдақтан итеріп жіберді
- НЗМ-нің ата-аналары Перизат Қайрат ісінде жәбірленуші ретінде танылды
- Түрікменстанда Сердар Бердімұхамедовке «сұлтан» атағын беру ұсынылды
- Абай облысында қоластындағыларға айырсадақ атқан полиция басшысы орнын босатты
- Жамбыл облысында келінін қорлаған ер адам 10 күнге қамалды
- «Жоғары жалақы, жалған сыйақы»: Өскемен әуежайының бұрынғы басшылығын тергеу аяқталды
- Украинаның премьер-министрі отставкаға кетті
- «Қазақстандағы түрме азабы»: «Қара генерал» ісіндегі шезофрениямен ауыратын сотталушының қор болған ғұмыры
- Жезқазғанда «Шерзат ісіне» ұқсас қылмыстық іс қайта қаралып жатыр
- «Әкімдіктегі жемқорлық»: Ақтөбеде мердігерді қорқытып пара алған шенді әкімді сотқа шақырды
- Салық кодексіне өзгерістер енгізілді
- «Жетімін жылатпаған қазақ»: Қонаевтағы балалар үйінің жағдайы қалай?