2027 жылы ҰБТ-ға балама тест болады

Ғылым және жоғары білім министрі Саясат Нұрбек ендігі жыл ҰБТ-ға балама тест пайда болатынын айтты, деп хабарлайды Orda.kz. 

Министрдің айтуынша, 2027 жылдан бастап пилоттық режимде AIT (Admission Insight Test) деп аталатын жаңа тест енгізіле бастайды. Емтиханды әзірлеумен тестілеу саласындағы әлемдік жетекші компаниялардың бірі — ETS айналысуда. Компания делегациясы алғашқы кездесулер өткізу үшін Астанаға келген. Сонымен қатар, келесі жылы да пробалық тестілеулер жалғасын табады.

Жаңа тесттің басты артықшылығы — оның халықаралық деңгейде мойындалуы.

Ал 2026 жылы ҰБТ форматы өзгеріссіз қалады. Тест 120 тапсырмадан тұрады, ең жоғары балл — 140, ал тапсыру уақыты — 4 сағат. 

Емтихан кезінде калькулятор, химиялық элементтердің периодтық жүйесі және тұздардың ерігіштік кестесін алып кіруге болады.

Тест тапсырушылар тестілеу аяқталғаннан кейін 30 минут ішінде апелляцияға өтініш бере алады.

2026 жылғы ҰБТ аяқталғаннан кейін, 31 қазанға дейін бейнежазбаларға талдау жүргізіледі. Тыйым салынған заттарды пайдалану немесе басқа да ережелерді бұзу фактілері анықталған жағдайда, талапкердің ҰБТ нәтижелері жойылады.

Оқи отырыңыз: 

• Алматы жұртшылығы Шахановты ақтық сапарға шығарып салды
• Тоқаев: Моңғолиямен ортақ тарих біріктіретін біртұтас тамырланған көшпелі өркениет ұрпағымыз