2027 жылы елімізде жүргізушісіз жүк көліктері мен таксилер пайда болады

2027 жылы елімізде пилотсыз жүк көліктері мен таксилер пайда болады. Бұл туралы үкіметтегі брифингте көлік министрі Нұрлан Сауранбаев мәлімдеді, деп хабарлайды Orda.kz.

Алғашқы пилоттық жобаны ЕАЭО елдерімен бірлесіп іске қосу жоспарланған. Электр жүк көлігі тәулік бойы жұмыс істеп, жүргізушісіз жүктерді тасымалдай алатын болады.

Жолаушылар үшін жүргізушісіз таксилер мен аэротаксилердің заң жобасы дайын, оны келесі жылы парламентке енгізу жоспарланған. 

«Бұл жоба бізде бар. Біз заң жобасын әзірлеп жатырмыз. Ол тек жүргізушісіз такси емес, әуетаксиге де қатысты. Келесі жылы оны Парламенттің қарауына енгіземіз», – деді министр.