2026 жылы Қазақстанда зейнетақы қаншалықты өседі

Қазақстанда 2026 жылы әдеттегідей зейнетақы төлемдерінің мөлшері ұлғаяды: ең төменгі және базалық зейнетақылар өседі, сондай-ақ жалпы жүйе бойынша орташа көрсеткіш те өзгереді. Өсім 2026-2028 жылдарға арналған республикалық бюджетте қарастырылған және еліміздің 2,5 млн-нан астам зейнеткеріне әсер етеді, деп хабарлайды Orda.kz.    

 2025 жылғы 1 қарашадағы жағдай бойынша Қазақстандағы зейнеткерлер саны 2 млн 516 мың адам болды.

Бекітілген бюджет параметрлеріне сәйкес 2026 жылы елдегі зейнетақының ең төменгі мөлшері 69 049 теңгеге дейін өседі. Қазіргі уақытта ол 62 771 теңге. Осылайша, өсім 6 278 теңге болады.

Сондай-ақ, оның есесіне  базалық зейнетақы төлемінің мөлшері ұлғайтылады. Егер 2025 жылы ол 32 360 теңге болса, 2026 жылы 35 596 теңгеге дейін өседі. Қосымша 3 236 теңге қосылады.

Қазақстанда зейнеткерлік жас әзірге ерлер үшін 63 жас, әйелдер үшін 61 жас болып тұр. Бұл норма кем дегенде 2028 жылға дейін сақталады. Елдің зейнетақы жүйесі үш құрамдас бөлікті қамтиды.

Ортақ зейнетақы 1998 жылға дейін жұмыс істеп, бұрынғы зейнетақы жүйесіне ақша аударған азаматтарға төленеді және мемлекет есебінен қаржыландырылады.

Базалық зейнетақы барлық зейнеткерлер алатын мемлекеттік төлем, ал оның мөлшері еңбек және сақтандыру өтіліне байланысты. Жинақтаушы зейнетақы азаматтың Бірыңғай жинақтаушы зейнетақы қорында жинаған қаражаты есебінен қалыптастырылады, оған ай сайын жалақының 10% -ы аударылады. 

2026 жылы индекстеуден кейін зейнетақының ең төменгі мөлшері 104 645 теңге болады, ал ең жоғарғы мөлшері 238 412 теңгеге жетеді.

Бюджет жобасында сондай-ақ алдағы жылдардағы зейнетақы төлемдерінің орташа көрсеткіштері келтірілген. Осылайша, зейнетақының орташа мөлшері 2026 жылы 103 687 теңге, 2027 жылы - 108 940 теңге, 2028 жылы - 113 995 теңге болады. Базалық зейнетақының орташа мөлшері 2026 жылы 54 082 теңге, 2027 жылы 58 276 теңге және 2028 жылы 61 527 теңге деңгейінде болжанып отыр. Төлемдер кезең-кезеңмен ұлғайтылады деп күтілуде.

2025 жылғы 1 қарашадағы жағдай бойынша Қазақстандағы зейнеткерлер саны 2 млн 516 мың адам болды.

Біз бұған дейін 2026 жылғы МӘМС-тің жаңа ережелері туралы жаздық.