2025 жылы зейнетақы жинақтарының ең төменгі жеткіліктілік шегі өзгере ме?

Бірыңғай жинақтаушы зейнетақы қоры (БЖЗҚ) 2025 жылға арналған зейнетақы жинақтарының ең төменгі жеткіліктілік шегін жариялады, деп хабарлайды Orda.kz.

Зейнетақы қорының хабарламасына сәйкес, 2025 жылға арналған бастапқы мөлшері 2024 жылдың деңгейінде өзгеріссіз қалды. 

• 20 жастағы қазақстандықтардың шотында 3 260 000 теңге болуы тиіс;
• 30 жас — 4 580 000 теңге;
• 40 жас — 6 100 000 теңге;
• 50 жас — 7 860 000 теңге;
• 60-62 жас — 9 890 000 теңге. 

Ең төменгі жеткіліктілік шегі-бұл БЖЗҚ-дағы шотта қалуға тиіс зейнетақы жинақтарының ең төменгі сомасы. Асып тұрған соманы тұрғын үй жағдайын жақсарту және емдеу ақысын төлеу үшін пайдалануға болады.