2025 жылы егін егуге 700 млрд теңге бөлінеді

«Қазірдің өзінде 500-ден аса ауыл шаруашылығы тауарын өндірушіден өтінімдер келіп түсті. Қаражат фермерлерге екінші деңгейдегі банктер, кредиттік серіктестіктер, әлеуметтік-кәсіпкерлік корпорациялар және Аграрлық несие корпорациясы арқылы қолжетімді. Биыл түрлі қиындыққа қарамастан қамбамыз астыққа толды. Күзгі жиын-терінде 26,7 миллион тонна дақыл жиналды. Бұл – соңғы он жылдағы рекордтық көрсеткіш. Ендігі мақсат – осы өнімді төкпей-шашпай жинап, сапалы сақтау», - дейді  ҚР Ауыл шаруашылығы вице-министрі Азат Сұлтанов. 

«Құрық теңіз порты арқылы жүк тасымалын арттыру бойынша шаралар қабылдап жатырмыз. Құрық портында астық терминалын іске қосып жатырмыз. Сонымен қатар Abu Dhabi Ports компаниясымен қоса Сарыжыра теңіз терминалы құрылысы қолға алынды. Нәтижесінде Қазақстан порттарының әлеуеті жылына 30 тоннаға жетеді. Президент елдегі ауыл шаруашылығы техникасын жаңарту деңгейін жылына 8-10%-ке дейін жеткізу міндетін қойды. Үкімет келер жылы осы бағытта 200 млрд теңге бөлуді көздеп отыр. Сондай-ақ елімізде фермерлер арасында сұранысқа  ие техника түрлерін шығаруға басымдық берілмек»,- дейді ҚР Көлік вице-министрі Мақсат Қалиақпаров.