2025 жылдан бастап кіріс туралы декларацияны жариялау міндетті болады

Қазақстан шенеуніктері, депутаттар мен судьялар 2025 жылдан бастап кіріс туралы декларацияны жариялауға міндетті болады, деп хабарлайды Orda.kz.

2025 жылы саяси мемлекеттік қызметшілер кірістері туралы декларацияны ашық ақпарат көздерінде жариялауы керек. Бұл туралы Қаржы министрі Мәди Тәкиев мәлімдеді.

Дегенмен бұл талап ерекше қорғалатын адамдарға қолданылмайды.

«2025 жылдан бастап саяси мемлекеттік қызметшілер өздерінің кірістері туралы мәліметтерді жариялауы керек», - деді Мәди Такиев баспасөз мәслихатында.

Алайда вице-министр Ержан Біржанов мемлекеттік қызметкерлердің барлығы табысы туралы көпшілік алдында есеп бермейтінін түсіндірді. Атап айтқанда, президент пен парламент спикерлері сияқты ерекше қорғалатын адамдар бар.

«Сыбайлас жемқорлыққа қарсы іс-қимыл туралы» Заңның 11-бабына сәйкес келесі тұлғалар мен олардың жұбайлары декларация жариялауға міндетті:

• саяси мемлекеттік лауазым иелері;
• «А» корпусында мемлекеттік әкімшілік лауазым иелері;
• Қазақстан Республикасы Парламентінің депутаттары;
• Қазақстан Республикасындағы Адам құқықтары жөніндегі уәкіл;
• судьялар;
• квазимемлекеттік сектор субъектілерінде басқару функцияларын жүзеге асыратын тұлғалар.

Жарияланатын ақпарат тізбесін сыбайлас жемқорлыққа қарсы іс-қимыл жөніндегі уәкілетті орган айқындайды.

Талаптар мемлекеттік құпияларды құрайтын мәліметтерге қолданылмайды.