2025 жылға дейін Қазақстанның ауыл шаруашылығына 4,4 трлн бөлінеді

2021-2025 жылдарға арналған Жол картасы аясында 4,4 триллион теңгені құрайтын 934 инвестициялық жобаның пулы жасалды. Мұндай ақпаратпен Үкімет отырысында Ауыл шаруашылығы министрі Ербол Қарашөкеев бөлісті.

– Ауыл шаруашылығы министрлігі жергілікті атқарушы органдармен бірлесіп, агроөнеркәсіптік кешендегі инвестициялық жобаларды іске асырудың 2021-2025 жылдарға арналған Жол карталарын әзірлеп, бекітті. Жол карталарына сәйкес жалпы сомасы 4,4 триллион теңгені құрайтын 934 инвестициялық жобаның пулы жасақталды, - деді Ауыл шаруашылығы министрі Ербол Қарашөкеев.

Ол бұл жобалар пулынан негізгі бағыттар анықталғанын түсіндірді:

• ет (бордақылау алаңдары, репродукторлар, мал сою пункттері, ет комбинаттары) – 1 трлн теңгеге 301 жоба;
• жылыжай кешендері – 1 трлн теңгені құрайтын 67 жоба;
• сүтті мал шаруашылығы – 452 млрд теңгеге 186 жоба;
• құс шаруашылығы – 373 млрд теңге сомасында 47 құс фабрикасы;
• өсімдіктерді өңдеу саласына – 300 млрд теңгені құрайтын 73 жоба.
• бес жыл ішінде қантпен қамтамасыз ету 80%-ға дейін артады, жобалардың жалпы сомасы 228 млрд.
• қарқынды көгалдандыру – 100 млрд теңгені құрайтын 32 жоба;
• басқа да бағыттар аясында жалпы сомасы 834 млрд теңгені құрайтын 225 жобаны іске асыру жоспарлануда. Оның ішінде суару, тұқым шаруашылығы, азық-түлік өндірісі жобалары бар.

Министр 2021 жылға жоспарланған 263 млрд теңгені құрайтын 285 жобаның ағымдағы жылдың 11 айының қорытындысы бойынша 241 млрд теңгеге 268 жоба пайдалануға берілгенін түсіндірді.

Әкімдіктердің мәліметінше, 2021 жылдың соңына дейін жалпы құны 22 млрд теңгені құрайтын 17 жобаны жүзеге асыру жоспарлануда.