2024 жылы міндетті медициналық сақтандыруға қанша төлейміз?

Пайыздық мөлшерлемелер өзгеріссіз қалады, бірақ ең төменгі жалақының өсуіне байланысты кейінгі сома өзгереді. 

Міндетті медициналық сақтандыру бойынша жарналар мен аударымдардың мөлшерлемесі өзгеріссіз қалады. Бірақ базалық есептік көрсеткіш болатын жаңа ең төменгі жалақының бекітілуіне байланысты түпкілікті сома түзетіліп жатыр, деді әлеуметтік медициналық сақтандыру қорының болжау бөлімінің басшысы Ақтолқын Сұлтанова.

2024 жылы жұмыс берушілер қызметкердің жалақысының 3 пайызын шегереді, бұл ретте салық салынатын айлық табыс 10 ең төменгі жалақыдан (2024 жылы 850 000 теңге) аспауы керек, яғни жұмыс беруші жарналарының максималды мүмкін сомасы айына 25 500 теңге болады. 

Бұл қаражат қызметкердің жалақысынан ұсталмайды, оларды жұмыс беруші кәсіпорын есебінен төлейді. Жалдамалы жұмысшылардың өздері және ЖҚҚ (ГПХ) шарты негізінде қызмет көрсететіндер ай сайынғы табысының 2% мөлшерінде міндетті медициналық сақтандыруға жарна аударады. Салық салу объектісі айына барлық жұмыс орындарынан 10 ең төменгі жалақыдан (2024 жылы 850 000 теңге) аспауы керек, яғни қызметкерлердің ең жоғары мүмкін болатын жарнасы 17 000 теңге болады.

Жарналарды төлеу кезінде барлық жұмыс орындарынан жиынтықта максималды кіріс есепке алынады. Мысалы, жұмысшының 600 000 теңге жалақысы бар делік, соныме қатар ол ЖҚҚ  келісімі бойынша біреуге қызмет көрсетіп, 350 000 теңге алады. Жалпы табыс 950 000 теңге, яғни 10 ең төменгі жалақыдан асады. Бұл жағдайда бір жұмыс орнында қызметкердің жарналары толық көлемде ұсталуы тиіс. Мысалы: 600 000 * 2% = 12 000 теңге, ал екінші жұмыс орнында ең жоғары төлемнің қалдығы ғана сақталады – 17 000 теңге (максималды жарна) – 12 000 теңге (бірінші жұмыс орнынан төленген жарна) = 5 000 теңге (екінші жұмыс орнынан жарна).

Бірыңғай төлем төлеушілер 21,5% төлейді. Жалақыдан бір реттік төлем бірқатар салық төлемдерін есептеудің стандартты әдісіне балама болады - бұл жалақыдан бес төлемнің жиынтығы: міндетті зейнетақы жарналары, әлеуметтік аударымдар, міндетті медициналық сақтандыру аударымдары, жеке табыс салығы.

Оңайлатылған декларация және ауыл шаруашылығы тауарын өндірушілер үшін арнаулы салық режимі бойынша қызметін жүзеге асыратын жеке кәсіпкерлер мен шағын және орта кәсіпкерлік субъектілері заңды тұлғаларына бір реттік төлемді пайдалануға рұқсат етіледі.

Бірыңғай төлем мөлшерлемесі 2024 жылы еңбекақы қорының 21,5% құрайды. Бір реттік төлем ай сайын айдың 25-інен кешіктірілмей жүзеге асырылады.

Жеке кәсіпкерлер 2024 жылы 5950 теңге төлейді. Бұл ең төменгі жалақының 1,4 еселенген мөлшерінің 5 пайызы. Тәуелсіз төлеушілер үшін жарна сомасы - 4 250 теңге.

Әркім сақтандыру жағдайын Fms.kz ресми сайтында, Egov.kz арқылы немесе Kaspi қосымшасында тексере алады.

Бұған дейін Денсаулық сақтау министрі Ажар Ғиният Қазақстанда міндетті әлеуметтік медициналық сақтандыру жүйесінде (МӘМС) сақтандырылмаған азаматтардың көлік жүргізу мүмкіндігін шектеу жоспарланып отырғанын айтқан болатын.