2024 жылы Қазақстанның мемлекеттік қарызына қызмет көрсету құны 2 триллион болады

2024 жылы Қазақстанның мемлекеттік қарызына қызмет көрсету құны 2 триллион теңге болады.

Бұл туралы қаржы вице-министрі Абзал Бейсенбекұлы хабарлады.

«2024 жылға арналған жалпы мемлекеттік шығыстар 2023 жылға қарай 713 млрд теңгеге өсті, мұнда ең көп үлес субвенцияға тиесілі – 5,3 трлн. Мемлекеттік қарызға қызмет көрсету құны 2 триллион теңге болады.  Бұл ішкі бағалы қағаздар нарығын дамытудың басымдықтарына сәйкес келеді»,- деді Абзал Бейсенбекұлы.

Сонымен қатар, кезек күттірмейтін шығындарды қамтамасыз ету және төтенше жағдайларды жою үшін үкімет резервіне 417 миллиард теңге, мемлекет басшысының бастамаларына 100 миллиард теңге бөлу жоспарлануда, - деп қосты вице-министр.