2023 жылы Түркия айға зымыран ұшырады

2023 жылдың соңына қарай Түркия айға зымыран ұшыруды жоспарлап отыр. Бұл туралы президент Режеп Тайып Ердоған Ұлттық ғарыш бағдарламасының тұсаукесер рәсімінде айтты, деп хабарлады Anadolu.

«Түркия өз өркениетінің «ғарышқа сапар шегуіне» жол ашып отыр», - деді мемлекет басшысы.

Ол Ұлттық ғарыш бағдарламасы аясында Түркия өз азаматын ғарышқа жіберуді жоспарлап отырғанын айтты.

Ердоған Түркияның алғашқы Жерді қашықтықтан зондтау спутнигі Имеженің интеграциялық процесі аяқталғанын және оның сынақтары жалғасып жатқанын мәлімдеді.

Соңғы 18 жыл ішінде Түркия ғарышқа ұшыру жүйелері мен ғарыштық жабдықтарға қатысты 56 жобаға 2,1 миллиард лир (шамамен 300 миллион доллар) бөлгені атап өтілді.

«Түркия Ұлттық ғарыш бағдарламасы аясында «ғарыштық метеорологияға» инвестиция құю арқылы өзінің ғарыштағы бәсекеге қабілеттілігін арттыруға ниетті», - деді түрік басшысы.

Ол сондай-ақ елдің Жерден ғарыш нысандарын астрономиялық бақылау саласындағы өз мүмкіндіктерін кеңейту ниеті туралы хабарлады.

Президент Ердоған жаңа ғарыштық спутниктерді жасауда әлемдік аренада бәсекеге түсе алатын тауарлық белгі жасауды Ұлттық ғарыш бағдарламасының мақсаты деп атады.