2023 жылы қанша адам Қазақстан азаматтығынан айырылды?

2023 жылы 16 мыңнан астам адам Қазақстан азаматтығынан айырылды.

Бұл туралы жалпы отырыста сенатор Советбек Медебаев айтты.

«Өткен жылы 16 028 адам Қазақстан азаматтығынан айырылды. 26,8 мыңнан астам адам Қазақстан азаматтығын қабылдаса, оның ішінде қандастар саны 20,5 мыңнан асты. Оның ішінде Өзбекстан, Қытай Халық Республикасы, Түркіменстан, Ресей, Моңғолиядан келген қандастар бар»,- деді депутат.

Ішкі істер министрлігінің мәліметінше, 2023 жылы  уақытша тұруға 584 588 рұқсат берілген. Елге кіруге 55 091 шақыру жіберілді.

Осы уақыт  ішінде миллионнан астам этникалық қазақ Қазақстанға оралып, қандас мәртебесін алды. Олар ел халқының 5,6 пайызын құрайды.