«2023 жылы 85 мың әйел қайтыс болған»: Әр 10 минут сайын неге бір әйел өледі?

Біріккен Ұлттар Ұйымының жаңа баяндамасында әлем бойынша әйелдерге жасалатын зорлық-зомбылық туралы алаңдатарлық мәліметтер жарияланды. 2023 жылы 85 мың әйел мен қыз қасақана өлтірілді, олардың 60%-ы төсектестерінің немесе басқа да отбасы мүшелері қолынан қаза тапты, деп хабарлайды Orda.kz.

Баяндамаға сүйенсек, әр күні 140 әйел өз жақындарының қолынан қаза табады. 

Фемицид статистикасы әр түрлі елдерде алаңдатарлық үрдіс көрсетуде, әсіресе Африка, Америка және Мұхит аймақтарында әйел адамның кісі қолынан қаза табуы ең жоғарғы көрсеткіштерге жеткен. Біріккен Ұлттар Ұйымының сарапшылары зорлық-зомбылықпен күресу үшін заңнаманы күшейтіп, гендерлік зорлық-зомбылыққа қарсы әрекеттерді арттыру қажеттігін айтып, дабыл қағып жатыр.