2023 жылы 37 мыңнан астам адам әскерге шақырылады

2023 жылы Қазақстанда 37 мыңнан астам адамның қарулы күштер қатарына шақырлуы жоспарланып отыр.

«Облыстардың, Астана, Алматы және Шымкент қалаларының әкімдері заңнамада белгіленген тәртіппен:

 1) әскерге шақыру комиссияларының жұмысын ұйымдастырсын және 2023 жылғы наурыз-маусым және қыркүйек-желтоқсан айларында әскерге шақыруды кейінге қалдыруға немесе босатуға құқығы жоқ 18 бен 27 жас аралығындағы ер азаматтарды, яғни  37 056 адамды  әскери қызметке шақыруды қамтамасыз етсін;

2) Қазақстан Республикасының заңнамасына сәйкес рекрутингтік орталықтарды медициналық қамтамасыз ету» делінген Үкімет қаулысында.

Сондай-ақ, Министрлер кабинеті Президент Қасым-Жомарт Тоқаевтың «Әскери қызметтің белгіленген мерзімін өтеген әскери қызметшілерді запасқа алу және Қазақстан Республикасы азаматтарын мерзімді әскери қызметке кезекті шақыру туралы» Жарлығының жобасын әзірледі. Олар 2023 жылғы наурыз-маусым және қыркүйек-желтоқсан айларында қызмет көрсетеді» делінген құжат Мемлекет басшысына ұсынылуда.