2023 жылға арналған ең төменгі жалақы мен АЕК мөлшері бекітілді 

Президент Қасым-Жомарт Тоқаев «2023 – 2025 жылдарға арналған республикалық бюджет туралы» заңға қол қойды.

Заң аясында 2023 жылдың 1 қаңтарынан бастап бірқатар көрсеткіш өзгереді:

• ең төменгі жалақы мөлшері – 70 000 теңге;
• мемлекеттік базалық зейнетақы төлемінің ең төменгі мөлшері – 24 341 теңге;
• ең төменгі зейнетақы мөлшері – 53 076 теңге;
• айлық есептік көрсеткіш (АЕК) – 3450 теңге;
• базалық әлеуметтік төлемдердің мөлшерін есептеу үшін ең төменгі күнкөріс деңгейі – 40 567 теңге болмақ.

Сондай-ақ, жасына байланысты зейнетақы төлемдері және еңбек сіңірген жылдары үшін зейнетақы төлемдері 10,5% – ға артады.