2022 жылы қазақстандықтар қанша күн демалатыны белгілі болды

2022 жылы демалыс күндері Халықаралық әйелдер күні мен Конституция күніне ауыстырылады.

Бұл туралы Orda.kz Primeminister.kz сайтына сілтеме жасап хабарлады.

ҚР премьер-министрі Асқар Мамин «2022 жылы демалыс күндерін кейінге қалдыру туралы» үкіметтің қаулысына қол қойды.

– Үкімет демалыс күндерін 2022 жылғы 5 наурыз сенбіден 2022 жылғы 7 наурыздағы дүйсенбіге, 2022 жылдың 27 тамызы сенбіден 2022 жылдың 29 тамызындағы дүйсенбіге ауыстыру туралы шешім қабылдады, - делінген құжатта.

Халықаралық әйелдер күнінде қазақстандықтар үш күн демалады - 6, 7 және 8 наурыз.

Сондай-ақ, Конституция күнінде үш күн демалады - 28, 39 және 30 тамыз.

Қазақстандағы ұлттық және мемлекеттік мерекелер:

• Жаңа жыл - 1-2 қаңтар;
• Православиелік Рождество - 7 қаңтар;
• Халықаралық әйелдер күні - 8 наурыз;
• Наурыз мейрамы - 21-23 наурыз;
• Қазақстан халқының бірлігі мерекесі - 1 мамыр;
• Отан қорғаушылар күні - 7 мамыр;
• Жеңіс күні - 9 мамыр;
• Астана күні - 6 шілде;
• Құрбан айттың бірінші күні (2021 ж. 20 шілде);
• Конституция күні - 30 тамыз;
• Қазақстанның Тұңғыш Президенті күні - 1 желтоқсан;
• Тәуелсіздік күні - 16-17 желтоқсан.

Еске салсақ, ұлттық және мемлекеттік мереке күндері елімізде ресми демалыс күні ретінде жарияланған.