2022 жылы Қазақстанда туу көрсеткіші төмендеді

Ұлттық статистика бюросы елдегі туу көрсеткіші туралы мәліметтерді келтірді. Өткен жылдан бері ол 7 пайызға төмендеген.

Алғашқы бес айда 161,5 мың сәби дүниеге келді, бұл өткен жылдың қаңтар-мамыр айларымен салыстырғанда 7,8 пайызға аз.

Дегенмен, жалпы Қазақстан халқының саны бір жылда 1,3 пайызға өсіп, 19 миллион 222,6 мың адамға жетті.

«2022 жылғы қаңтар-мамырда халықтың сыртқы көші-қон көрсеткіші бойынша 2807 адамға азайған: Қазақстанға 6227 адам келді, 9034 адам кетті» делінген хабарламада.