2022 жылдан бастап құжат берудегі мемлекеттік баж өседі

Бұл өзгеріс АЕК жоғарылауымен байланысты.

1 қаңтардан бастап АЕК мөлшерінің 3063 теңгеге дейін ұлғаюына байланысты құжаттарды бергені үшін алынатын мемлекеттік баж да өседі:

• Қазақстан Республикасы азаматының паспортын беруге – 24 504 теңге;

• азаматтығы жоқ адамның жеке куәлігі, жол жүру құжаты; Қазақстан Республикасы азаматының жеке куәлігі, шетелдіктің Қазақстан Республикасында тұруға ықтиярхаты – 612 теңге.

• Қазақстан Республикасының азаматтығына қабылдауды, қалпына келтіруді және азаматтығынан шығуды тіркеу – 3063 теңге;

• Қазақстан Республикасында тұрақты тұруға ықтиярхат беру (2022 жылғы 1 қаңтардан бастап қолданысқа енгізіледі) – 12 252 теңге;

• Қазақстан Республикасы визаларын беруге  тұлғалардың шақыруларын қабылдау және келісу – 1 531 теңге;

• шетелдіктер мен азаматтығы жоқ адамдарға Қазақстан Республикасынан кету және Қазақстан Республикасына келу құқығына визаларды Қазақстан Республикасының аумағында беруге, қалпына келтіруге немесе ұзартуға – 3063 теңге.