2022 жылға арналған ең төменгі жалақы мен зейнетақы көлемі айтылды

«2022-2024 жылдарға арналған республикалық бюджет туралы» заң жобасы әзірленді. Заң жобасында ең төменгі жалақы көлемі мен ең төменгі базалық зейнетақы көлемі айтылған.

Бұл туралы Orda.kz хабарлайды.

Сонымен, 2022 жылдың 1 қаңтарынан бастап:

ең төменгі жалақы - 60 000 теңге;

мемлекеттік базалық зейнетақы төлемінің ең төменгі мөлшері - 19 450 теңге;

ең төменгі зейнетақы - 46 302 теңге;

жәрдемақылар мен басқа да әлеуметтік төлемдерді есептеу, сондай-ақ айыппұлдарды, салықтарды және басқа төлемдерді қолдану бойынша айлық есептік көрсеткіш - 3 063 теңге;

негізгі әлеуметтік төлемдердің мөлшерін есептеу үшін ең төменгі күнкөріс деңгейінің мөлшері - 36 018 теңге.

– Бұл заң жобасын қабылдаудың мақсаты – ең төменгі жалақыны 42 500-ден 60 000 теңгеге дейін көтеру, - делінген үкімет басшысының жазбасында.

Құжат «Ашық Үкімет» сайтында 6 қазанға дейін қоғамдық талқылауға түседі.