2021 жылы Сайран мен Әуежай көлдері тазартылады

2021 жылы Сайран, Әуежай көлдері және Алматыдағы Қарасу тоғанын тазарту жоспарланып отыр.

2020 жылғы желтоқсаннан бастап Алматыда үш су айдынының түбін тазалауға ЖСҚ әзірленді, - деп хабарлайды inAlmaty.kz.

Алматы қаласының Жасыл экономика басқармасы 2020 жылғы желтоқсанынан бастап Сайран су қоймасы, Әуежай көлі және Қарасу шағын ауданындағы тоғанды механикалық тазалауға ЖСҚ дайындап жатыр. Жоба 2021 жылдың маусымына дейін сараптамадан өтуге тиіс. Қаражат бөліне салысымен аталған су айдындарын тазалау жұмысы басталады.

Техникалық ерекшелікке сәйкес, жоба келесі міндеттерді қамтиды:

• су түбін тұнба мен шөгінділерден тазарту;
• жобада жергілікті жағдайларға және мамандандырылған техниканың болуына байланысты тазартудың неғұрлым қолайлы тәсілін (немесе тәсілдер құрамасын) анықтау;
• жағалау сызығын қоқыстан тазарту;
• су айдындарының түбін және жағалау сызықтарын өсімдіктерден (қамыс, балдыр, жабайы өсінділер, т.б) тазарту;
• тұнба көп жиналған аймақтарды тереңдету (зерттеу нәтижелері бойынша анықтау);
• эрозияға және шайылуға ұшыраған жекелеген учаскелерде жағалауды бекіту құрылғысын реттеу.

Жұмыс жобасында қамтылғандар:

• су объектілерінің экологиялық жай-күйін қалпына келтіру, қорғау шаралары;
• су басу және судың тіршілік әрекетін бұзу қаупі мен салдарларын азайту шаралары;
• гидротехникалық құрылыстардың қауіпсіз жұмыс істеуін қамтамасыз ету;
• су қоймаларының гидравликалық сипаттамаларын, ұзақ уақыт бойы алынған оң өзгерістері сақтау;

Сонымен қатар аэропорт көлінің су қорғау белдеуін қалпына келтіру мен абаттандыру жұмыстары.