2021 жылы бюджет қаражатын жымқыру бойынша 125 қылмыстық іс қозғалды

Қазақстан Президенті Қасым-Жомарт Тоқаев Қаржы мониторинг агенттігінің төрағасы Жанат Элимановты қабылдады, деп хабарлады Orda.kz. Ақорда сайтына сілтеме жасап.

Агенттік басшысы көлеңкелі экономикаға қарсы іс-қимыл саласындағы жұмысты күшейту жөніндегі тапсырманың орындалуы туралы айтты.

– Жанат Элимановтың айтуынша, жыл басынан бері сегіз ұйымдасқан қылмыстық топтың жолы кесілген, оның екеуі трансұлттық топ. Сондай-ақ ол бюджет қаржысын жымқыру деректері бойынша 14 миллиард теңге көлемінде шығын келтірген 125 қылмыстық іс қозғалғанын жеткізді, - делінген хабарламада.

Сондай-ақ, Жанат Элиманов қаржы пирамидаларының қызметін тоқтату жұмыстары туралы айтты. Оның айтуынша, күдікті операциялар бойынша 21 материал құқық қорғау органдарына жіберілген.

Жанат Элиманов 2020 жылдың соңында тіркелген экономикалық қылмыстар санының өткен жылдармен салыстырғанда алты есе азаюы тіркелгенін атап өтті. Кәсіпкерлерді қылмыстық істер бойынша жауап алуға шақыру екі есеге қысқарып, тергеу ұзақтығы 40%-ға қысқарған.

– Қасым-Жомарт Тоқаев бизнесін адал жүргізіп отырған кәсіпкерлердің қылмыстық қудалауға түсуіне жол бермеу жөнінде жүйелі шаралар қабылдау қажеттігіне назар аударды, - делінген Ақорда хабарламасында.