2021 жылы «Бизнеске арналған үкімет» қызметі іске қосылады

Қазақстанда бизнесті мемлекеттік қолдау шаралары көрсетілетін қызмет іске қосылады.

Бұл туралы Orda.kz хабарлады.

Порталда 570-тен астам қызмет пен қолдау шараларын іске қосу жоспарланған. Оның ішінде 32-і қаржылық, 14-і қаржылық емес қолдау және 526 мемлекеттік қызмет.

– Мемлекеттік және мемлекеттік емес қызметтер бір порталға біріктіріліп, жұмыс осы жылдың аяғына дейін аяқталады. Келесі жылдан бастап барлық қызметтер мен қолдау шаралары цифрлы түрде қол жетімді болады, - деді Абылай Мырзахметов.

Қызмет мемлекет пен бизнестің өзара іс-қимыл форматында қызмет көрсету үшін бірыңғай кеңсе қағидаты бойынша ұсынылатын болады. «Бизнеске арналған үкіметте» кәсіпкерлер қызметтердің толық спектрін, біліктілікті арттыру және қаржыландыру бойынша кеңестер алады.