2021 жылы Қазақстан халқы 18 миллион 877 мың болды

Қазақстан халқы  2021 жылы 18 миллион 877 мың адамға жетті.

Бұл өткен жылмен салыстырғанда 245 мың адамға көп, деп хабарлайды стратегиялық жоспарлау және реформалар агенттігінің ұлттық статистика бюросына сілтеме жасап ORDA.

«Елдегі халық саны 2021 жылдың 1 қаңтарына 18 миллион 877 мың болды, оның ішінде қалалықтар - 11 миллион 149 мың адам (59,1 пайыз), ауыл тұрғындары - 7 миллион 727 мың адам (40,9 пайыз)», - делінген хабарламада.

Мәліметке сүйенсек, халық саны бір жыл ішінде 245 мың адамға немесе 1,3 пайызға өскен.

2020 жылы ең үлкен жалпы өсім елдің үш облысында тіркелді: Алматыда (60,2 мың адам), Нұр-Сұлтанда (48,5 мың адам) және Шымкентте (38 мың адам).