2021 жылдың ең жақсы саяхат бағыттары аталды

Еуропадағы туристтік жерлерді зерттейтін European Best Destinations порталының мамандары 2021 жылы саяхаттаудың ең жақсы бағыттарын атады, деп хабарлайды ORDA. редакциясы. Рейтинг компанияның ресми сайтында жарияланған.

Сонымен, зерттеу барысында саяхатшылардың көпшілігі Брагаға (Португалия) баруды армандайтыны белгілі болды. Сарапшылар атап өткендей, бұл қала сәулет және тарих ескерткіштерінің, әдемі шіркеулер мен ғибадатханалардың көптігіне байланысты жиі «португалдық Рим» деп аталады.

Танымалдық бойынша екінші орында Италия астанасы - Рим болды. Ондаған жылдар бойы бұл қала бүкіл әлем саяхатшыларының сүйікті бағыты болды. Италия астанасы тек ашық аспан астындағы мұражай ғана емес, сонымен қатар отбасылық сапар немесе романтикалық саяхат үшін тамаша орын.

Үздік үштікті Хорватияның Дубровник маңындағы Хорват Тоскана деп аталатын конавле аймағында орналасқан Цацват қаласы тұйықтады. Рейтингті жасаушылар ондағы өмір баяу ағып жатқанын және демалыс орны үшін қолайлы екенін атап өтті.

Сондай - ақ, саяхатшылар Флоренцияны (Италия) қаланың әсемдігі мен өнер ескерткіштерінің шоғырланғандығы үшін, Сибиу (Румыния) - Трансильвания провинциясының орталығы - ежелгі тарих пен қазіргі заманның жарқын рухының үйлесімі деп атап өтті.

Сонымен қатар, туристер Парижге, Грекияның Кефалония аралына, Которға, Словениядағы Сока алқабына және Канар аралдарына баруды армандайды.

ORDA. редакциясы оқырмандарға саяхатты шегере тұруға кеңес береді. Бірінші кезек өзіңіздің, жақындарыңыздың қауіпсіздігін ойлаңыз. Онлайн саяхаттап келесі демалысыңызға шабыт табыңыз.