2020 жылы дүниежүзілік туризм 1,3 трлн доллар шығынға батты

Әлемдік туризм тарихтағы ең нашар жылын - 2020 жылы бастан өткерді. 2019 жылмен салыстырғанда халықаралық туристер саны 74 пайызға, ал рейстер саны миллиардқа азайған. Бұл туралы БҰҰ Дүниежүзілік Туристік Ұйымы хабарлады.

«Сұраныс пен саяхаттарға қатысты шектеулердің бұрын-соңды болмаған төмендеуі 2020 жылы шамамен 1,3 триллион доллар кіріске алып келді»,-  делінген хабарламада.

Бұл 2009 жылғы әлемдік экономикалық дағдарыс кезінде тіркелген шығындардан 11 есеге көп. Сонымен қатар, туризм саласындағы 100-ден 120 миллионға дейінгі жұмыс орындары қауіпті аймақта тұр.

Пандемияға ұшыраған елдер арасында Азия мен Тынық мұхиты бірінші орында тұр. Мұнда келушілердің жалпы саны 84 пайызға төмендеді. Таяу Шығыс пен Африка 75 пайызға, Еуропа 70 пайызға, Америкада халықаралық келу 69 пайызға төмендеді.

БҰҰ ДСҰ Бас хатшысы Зураб Пололикашвили қалпына келтіру келешегі әлі бұлыңғыр деген пікір білдірді. Жағдай жақсарған бойда туристердің қауіпсіздігі үшін бәрін жасау керек.