2020 жылы Қытай Қазақстанға көп гуманитарлық көмек көрсетті

2020 жылы Қазақстан басқа елдерге 3,1 млн долларға гуманитарлық көмек көрсетті. Бұл 2019 жылмен салыстырғанда 2,4 есеге көп. Қазақстанға түскен гуманитарлық көмектің көлемі 19,1 миллион доллар болады, деп хабарлады Finprom.

Ақшалай түрде алынған гуманитарлық көмектің үштен бірінен көп бөлігі, атап айтқанда 6,5 миллион доллар (7,7 есе өсім) көліктер мен жабдықтарға түсті. Жалпы көлемнің 31%-ы киім мен аяқ киімнің үлесіне тиді, яғни, 5,9 млн доллар (9 есе өсім).

Алайда, пандемия кезінде дәрі-дәрмек түріндегі гуманитарлық көмектің құны 2,7 есеге, яғни, 1,7 млн долларға дейін азайған.

Жалпы Қазақстанға гуманитарлық көмек көрсететін елдер:

• Қытай - 10 млн;
• Германия - 2,2 млн;
• Үндістан - 1,7 млн;
• Катар - 1,7 млн, т.б.

Гуманитарлық көмек көрсеткен елдердің ішінде Қытай 10 млн доллар жіберді. Ол жалпы көлемнің жартысынан астамын құрады.

Айта кету керек, пандемияға дейін, 2019 жылы Қазақстанға Қытайдан ешқандай көмек келмеген. Сол жылы ең көп көмек көрсеткен ел Германия болды.