2020 жылдың ең ықпалды әйелдері кім? Олар немен айналысады?

Америкалық Finencial Times басылымы 2020 жылғы ең ықпалды 12 әйелді атады. Бұл туралы Orda. хабарлайды.

Америкалық басылым аталған әйелдерді дағдарыспен күресіп, заманауи мәселелерге назар аударған, деп жазады.

Рейтингтің көшін Жаңа Зеландия премьер-министрі Джасинда Ардерн бастап тұр. Министр пандемияға жедел назар аударумен көзге ілінді.  

Екінші орынды коронавирус вакцинасын шығаратын Biontech компаниясының жетекші ғалымы Озлем Туречи иемденді. Ғалым иммундық реакциялар үшін МРНҚ қолдану саласындағы жетістіктерге қолжеткізген санаулы ғалымдардың қатарында.

Келесі орындарда АҚШ-тың вице-президенті болатын Камала Харрис, беларустық оппозиционер Светлана Тихановская және америкалық саясаткер Стейси Абрамс.

Кейінгі позицияны жұмысбасты аналар алды. Оған белгілі әйелдер емес, барлық жұмысбасты аналар ілікті. Себебі, олар пандемия кезінде балаларға білім беру мекемелерінің жабылуына қарамастан өз мансабын жалғастырған.  

Редакторлар тізімнің соңында биыл өз елінің экономикасын жақсартқан Тайвань президенті Цаи Инг Венді, коронавируспен күресуде шешуші шаралар қабылдаған Германия канцлері Ангела Меркельді, АҚШ Жоғарғы сотының судьясы Рут Гинзбургті, америкалық саясаткер Александр Окасио-Кортесті, Үндістан денсаулық сақтау министрі К.К.Шайлайды және америкалық әнші Тейлор Свифтті атап өткен.