2019 жылы қыркүйекте италиялықтардан алынған сынақтан коронавирус анықталды

Интерфакстың хабарламасына сүйенсек, бұл Sars-Cov-2 коронавирусының Италияда сол кезде тарала бастағанын көрсетеді.

«Біз 2019 жылдың қыркүйегі мен 2020 жылдың наурызы аралығында өкпе қатерлі ісіктеріне байланысты тексерілген 959 адамның қан сынамаларын зерттедік. Sars-Cov-2 RBD-ға қарсы антиденелер 959 адамның арасында 111 адамнан (11,6%) анықталды», - делінген Милан онкология институты мен Сиена университетінің есебінде.

Анықталған жағдайлар Ломбардияда көп тіркелген. Бұл елдегі COVID-19-дың симптомсыз жағдайлары сол кездерде басталған деген болжам бар. Еске салсақ, әлемдегі алғашқы коронавирус жағдайы Қытайдың Ухань қаласында 2019 жылдың желтоқсан айында таралған. Ал қаңтарда Еуропада коронавирустық инфекцияның алғашқы жағдайлары анықталды.