200 мың зейнеткер қордан тиесілі қаржысын алмаған

Бірыңғай жинақтаушы зейнетақы қоры (бұдан әрі – БЖЗҚ) зейнетке шыққан, бірақ төлем жасауға өтініш білдірмеген қазақстандықтарды іздестіруде.

Мұндай мәселе БЖЗҚ «Азаматтарға арналған үкімет» мемлекеттік корпорациясының мәліметтер базасымен ақпаратты тексере бастағанда анықтады, деп хабарлады Orda.kz.

БЖЗҚ зейнетақы жасына жеткен, қорға жүгінбеген адамдар туралы ақпаратты тексеріп отырады.

Қазір БЖЗҚ-ның ақпараттық жүйелерінде қордан төлемдер жасалмайтын 200 160 шот бар. Баспасөз қызметі бұл зейнеткерлер әлі де «бюджеттен қаражат алады» деп түсіндірді.