200 келіден астам марал мүйізі қолды болды

Зайсан ауданында 230 килограмм маралдың мүйізі жоғалды. Ұры мүйіздерді Алматы қаласында өткізіп жатқан жерінен ұсталды, деп хабарлады Altaynews.kz.

Қылмыскер  23 жасар  Зайсан ауданының тұрғыны болып шықты. Ұрлық өткен жылдың желтоқсан айында болған. Зайсан ауданы полициясына  Зайсан қаласындағы  жауапкершілігі шектеулі серіктестіктердің бірінің  күзетшісі қызыл кітапқа тіркелген жануардың мүйіздері  ұрланғандығын хабарлаған.

— Тексеру барысында түнде белгісіз біреу жауапкершілігі шектеулі серіктестіктің аумағына кіріп, контейнердің аспалы құлыбын бұзып, қораптарды ұрлап кеткені белгілі болды. Оның ішінде жалпы салмағы 236 килограмнан асатын марал мүйіздері болған,- деді ШҚО ПД бастығы Сағат Мадиев.

Биылғы жылдың ақпанында  күдікті Алматы қаласында қолға түсті. Ұстау кезінде ер адам ұрланған заттардан құтылмақ болып оларды көлігінен жолдың бойына лақтырып кеткен. Қазіргі уақытта айғақ заттар тәркіленді. Тергеу жалғасуда.  

— Аталған факті ҚР ҚК-нің 188-бабының 3-бөлігі 3-тармағы бойынша (тұрғын, қызметтiк немесе өндiрiстiк үй-жайға, қоймаға не көлік құралына заңсыз кiрумен жасалған ұрлық) сотқа дейінгі тергеп-тексерудің бірыңғай тізіліміне енгізілді,  деп хабарлады ШҚО ПД баспасөз қызметі.