20 жыл бойы құлдықта жүрген азаматтың бейнежазбасы тарады

Әлеуметтік желіде ер адам Қарағанды ​​облысында 20 жыл бойы еңбек құлдығында болғанын айтқан бейнежазба таралып жатыр.

Кадрда өзін Алексей Александрович Котов деп атайтын орта жастағы ер адам көмек сұрайды. Видеода ол Ресей Федерациясының Ярославль облысының тумасы екенін айтқан.

– Ана, әке, 20 жыл тұтқында болдым. Қолыңнан келсе Қазақстаннан шығуға көмектес. Қарағанды ​​облысы, Ақжал ауылы, Мұхтар қыстауы. Әке, қолыңнан келсе көмектес, - дейді ер адам.

Аталған факті бойынша тергеу амалдары жүргізілуде. Күдікті қамауға алынды.

– Қарағанды ​​облысы Криминалдық полиция басқармасының қызметкерлері әлеуметтік желілерге мониторинг жүргізу барысында ер адамның өзін Қарағанды ​​облысындағы қыстаулардың бірінде заңсыз ұстағанын хабарлаған видеоны анықтады. Осы факті бойынша ҚР ҚК-нің 126-бабы «Заңсыз бас бостандығынан айыру» бойынша сотқа дейінгі тергеу басталды. Жедел-іздестіру шаралары барысында Шет ауданының полицейлері 44 жастағы ер адамды – Ресей Федерациясының азаматын анықтады. 20 жыл бойы оны 44 жастағы жергілікті тұрғын заңсыз қанап, мәжбүрлі еңбекке пайдаланғанын анықтады, оған қатысты тергеу амалдары жүргізілуде», - деді облыстық полиция департаменті басшысының орынбасары Әбіл Әбілдин.