«20 мың террорист»: Сот Атбасардағы азаптаушы түрме қызметкерлерін ақтады

Көкшетау соты Атбасар түрмесіндегі азаптау ісін қарады. Істе 41 жәбірленуші бар. Соның ішінде Тимур Дәнебаев бар. Сот азаптаушы түрме қызметкерлерін ақтады, деп хабарлайды Orda.kz.

Бұл туралы Тимур Дәнебаевтың ағасы Марат Дәнебаев мәлімдеді. Түрме қызметкерлерінің тұтқындарды азаптағаны көрінетін видеолар 2023 жылы қыркүйекте желіде тараған болатын. Сотқа тартылған 12 қызметкер «Азаптау» бабы бойынша айыпталған.

2022 жылғы Қаңтар оқиғасынан кейін Алматыға «20 мың террорист келгені» жайлы мәлімдемесі үшін президент Тоқаевқа қарсы қылмыстық іс қозғауға тырысқан Тимур Дәнебаев 2022 жылы ұсталып, 2023 жылы маусымда араздық тудырды деп 3 жылға сотталған болатын. Кейін Атбасар түрмесінде оны түрме қызметкерлері азаптады.  Атбасардағы №1 мекемеде 41 адамға қатыгездік көрсеткені үшін айып тағылған болатын. Тимур Дәнебаев Қазақстан президенті Қасым-Жомарт Тоқаевты Қаңтар оқиғасы кезінде Алматыға 20 мың терроршы шабуыл жасады деген сөзі үшін жауапқа тартуға талпынған.

Еске сала кетсек, Orda.kz бұған дейін Тимур Дәнебаевтың ағасынан сұхбат алған болатын.