«2 рет сотталған»: Қызылорда облысында ер адам үй иесі мен оның анасын пышақтап кетті

Қызылорда облысында ауыр қылмысы үшін екі рет сотталған ер адам тағы да қылмыс жасады, деп хабарлайды Orda.kz. 

Шиелі аудандық сотында қарақшылық жасаған азаматтың ісі қаралды. Ол жәбірленушінің үйіне ұрланып кіріп, жатын бөлмеде ұйықтап жатқан жәбірленушіні жастықпен тұншықтырып, пышақпен бірнеше рет жарақат салған. 

Жәбірленушінің айқайлаған дауысын естіген анасы жатын бөлмесіне кірген. Осы кезде сотталушы оның денсаулығына ауыр зиян келтіру арқылы қарақшылық  шабуыл жасап, кеуде тұсына бірнеше мәрте пышақ жарақатын салып, ұрып-соққан. Кейін үйдегі барлық алтын мен ақшаны қолды қылған. 

Шиелі аудандық сотының үкімімен сотталушы Н. 11 жыл мерзімге бас бостандығынан айырылды.