2 млн қазақстандықтықтың жеке дерегі таралып кетті

Микроқаржы ұйымдарына жүгінген 2 миллион қазақстандықтың жеке деректері желіге тарап кетті, деп хабарлайды Orda.kz порталы.

«Қолда бар ақпаратқа сәйкес, Zaimer.kz микроқаржы ұйымы хакерлік шабуыл нысанасына айналған. Екі миллион қазақстандықтың жеке деректері Telegram-да жалпыға қолжетімді топта тараған, оның ішінде: аты-жөні, телефон нөмірі, электрондық поштасы, жеке куәлік деректері, тіркеу және тұрғылықты мекенжайы, жұмысы туралы ақпарат, сондай-ақ банк карталары мен банк шоттары туралы мәліметтері бар» делінген хабарламада.

Микроқаржы ұйымының (МҚҰ) веб-сайты және оның IP мекенжайлары Қазақстанда орналасқандықтан, МҚҰ ақпараттың таралып кетуін көптеген қаржы ұйымдарының деректері жинақталған (Robo Finance) (robo.finance)  инфрақұрылымына жасалған шабуыл салдарынан деп есептейді.

«Бұған дейін сарапшылар осы МҚҰ-ға қатысты бірқатар жалған веб-сайттарды анықтаған болатын. Бұл сайт беттеріне өту кезінде пайдаланушыға жоғарыда аталған ұйымнан ақшалай несие алу ұсынылады. Жалған сайттардың атаулары: zaim5min.com, vozmykredit.ru, vozmycredit.com, stpmrnlnk.com, mani24.kz, zm24.kz, cashlux.kz, zaim365.kz» деп хабарлады мамандар.