19 жасар қазақстандық испандық футбол клубының ең қымбат ойыншысы атанды

Мухаммед Еңсебаев  «Сеута Б» футбол клубының ойыншысы атанды, деп хабарлайды Orda.kz.

Бұған дейін 19 жастағы жартылай қорғаушы Мухаммед Еңсебаев Испанияның төртінші деңгейлі «Реал Вальядолид Б» командасында ойнаған еді, ал қазір ол «Вальядолидтен» «Сеута Б» командасына жалға берілді және маусым соңына дейін клубтың намысын қорғайды.

Ол Қазақстан U21 құрамасында өнер көрсеткен, сонымен қатар Қазақстанның «Елім-ай» командасында ойнаған кезде бірінші лиганы жеңіп алған.

«Еңсебаев орталық жартылай қорғаушы немесе жартылай  шабуылшы ретінде ойнай алады және командаға ойын көлемі мен көрінісін қамтамасыз ету үшін қосылды»,  деп хабарланды клубтың ресми мәлімдемесінде.

Айта кету керек, Transfermarkt порталының бағалауынша, Еңсебаев испандық клубтың ең қымбат ойыншысы атанып, оның құны 50 мың еуро (23 миллион теңге) деп бағалануда.